„თავიდან მეტოქე დაზვერა, შემდეგ კი დაამარცხა - სტატია ქუთათელაძის გამარჯვებაზე
გურამ ქუთათელაძე სხვადასხვა მიზეზებით გამოწვეული თითქმის ერთწლიანი პაუზის შემდეგ UFC-ის გამარჯვებით დაუბრუნდა. 32 წლის ქართველმა მებრძოლმა ჯორდან ვუჩენიჩი არბიტრების ერთსულოვანი გადაწყვეტილებით დაამარცხა. ქუთათელაძის მოგება რომ აბსოლუტურად დამსახურებული იყო, ეს ბრძოლის დასრულების შემდეგ სხვადასხვა გამოცემებმაც აღნიშნეს. ყველაზე ვრცელი ანალიზი კი მკითხველს Bleacher Report-მა შესთავაზა.
რა წერია ქუთათელაძეზე
ინგლისელმა მსუბუქწონოსანმა მებრძოლმა, რომელსაც „ეპიდემიის“ მეტსახელით იცნობენ, საწყის ხუთ წუთში ისეთი შთაბეჭდილება დატოვა, რომ UFC-ის სადებიუტო ბრძოლაშივე გამარჯვების მოპოვებას აპირებდა.
მეორე და მესამე რაუნდებში კი ქართველისთვის ყველაფერი თავის ადგილზე დადგა. ყველამ კარგად იცის, რომ ის თავიდან მეტოქეს ზვერავს და მხოლოდ შემდეგ იწყებს რეალური სახის ჩვენებას.
სწორედ ასეთ შემთხვევასთან გვქონდა საქმე ამჯერადაც - ქუთათელაძის „სტრაიკინგის“ სერიის შემდეგ, მსაჯები უბრალოდ იძულებულნი გახდნენ უპირატესობა მისთვის მიენიჭებინათ.
შეგახსენებთ, რომ ვუჩენიჩმა აბსოლუტურ საბრძოლო ჩემპიონატში თავისი პირველი ბრძოლა გამართა, ქუთათელაძემ კი UFC-ის ეგიდით გამართული ოთხი შეხვედრიდან ორი თავის სასარგებლოდ დაასრულა, ორში კი დამარცხდა.
