პარიზი 2024 - კალათბურთში 1/4 ფინალური წყვილები ცნობილია
პარიზის ოლიმპიურ თამაშებზე კალათბურთში მეოთხედფინალური წყვილები ცნობილია. წინ საკმაოდ საინტერესო დაპირისპირებები გველოდება.
ამერიკის ვარსკვლავური ნაკრები მეოთხედფინალში ბრაზილიას შეხვდება. იოკიჩის სერბეთი ავსტრალიას გადაეყარა. ამ წყვილებს შორის გამარჯვებულები ერთმანეთს ნახევარფინალში დაუპირისპირდებიან.
მეორე მხარესაც საკმაოდ საინტერესო წყვილებია. მსოფლიოს მოქმედი ჩემპიონი გერმანია საბერძნეთს დაუპირისპირდება. საფრანგეთი კი კანადას. ამ წყვილებს შორის გამარჯვებულები კი ნახევარფინალში გადაიკვეთებიან.
ცნობისთვის, საბერძნეთი და ბრაზილია მეოთხედფინალში საუკეთესო მესამე ადგილით გავიდნენ. აღნიშნულმა ნაკრებებმა ჯგუფურ ეტაპზე თითო თამაშის მოგება მოახერხეს.
კანადამ, გერმანიამ და ამერიკის შეერთებულმა შტატებმა ჯგუფში სამივე მატჩი მოიგეს. საფრანგეთმა ორი შეხვედრის მოგება მოახერხა, ავსტრალიამ ერთის და სერბეთმა ორის. მოქმედი ევროპის ჩემპიონი ესპანეთი ჯგუფში ჩარჩა.
მეოთხედფინალური დაპირისპირებები 6 აგვისტოს გაიმართება. განრიგი საქართველოსი დროით ასეთია:
გერმანია VS საბერძნეთი - 13:00
სერბეთი VS ავსტრალია - 16:30
საფრანგეთი VS კანადა - 20:00
ბრაზილია VS ამერიკა - 23:30
