საბერძნეთმა შანსი შეინარჩუნა | იანისის გუნდმა ავსტრალია დაამარცხა
საბერძნეთის საკალათბურთო ნაკრებმა პარიზის ოლიმპიადის A ჯგუფის დაძლევის შანსი შეინარჩუნა. იანის ანტეტოკუნმპოს გუნდი ბოლო შეხვედრაში ავსტრალიას დაუპირისპირდა და დაძაბულ ბრძოლაში, 77:71 იმარჯვა.
საბერძნეთმა პირველი ტაიმი მაღალ დონეზე ჩაატარა და შესვენებაზე 17-ქულიანი უპირატესობით გავიდა - 53:36. მესამე და მეოთხე მეოთხედებში, ავსტრალიამ ჩამორჩენა ორ ქულამდე შეამცირა, თუმცა, ეს მისი მაქსიმუმი აღმოჩნდა და წინ ვეღარ გავიდა.
GREECE ???????? SURVIVE ????#Paris2024 x #Basketball pic.twitter.com/2xZ8VniUGn
— FIBA (@FIBA) August 2, 2024
საბერძნეთის რიგებში საუკეთესო იანის ანტეტოკუნმპო იყო - 20 ქულა, 7 მოხსნა, 6 ასისტი, 2 ჩაჭრა. ტომას უოლკაპმა 18 ქულა დააგროვა, დინოს მიტოღლუს ანგარიშზე კი 13 ქულა იყო. ავსტრალიელთა მხრიდან 17 ქულით ჯოკ ლენდეილი გამოირჩა. პატი მილსმა 13 ქულა მიითვალა, ჯოშ გიდიმ - 9 ქულა, 11 მოხსნა, 6 ასისტი.
ცნობისთვის, საბერძნეთი ამ მომენტისთვის მეორე ადგილზეა, მაგრამ A ჯგუფში, კანადასა და ესპანეთის მატჩია გასამართი, რომელზეც ბევრი რამ იქნება დამოკიდებული. ავსტრალია და საბერძნეთი კანადელთა მხარეს არიან და მათი გამარჯვება მეოთხედფინალში გასვლის შანსებს შეუნარჩუნებს.
