„რთულია, მეტი მოთხოვო“ - ლიონის მწვრთნელი მიქაუტაძის დებიუტზე
გუშინ, „ლიონში“ გიორგი მიქაუტაძის დებიუტი შედგა. ქართველი შემტევის გუნდი ამხანაგურ შეხვედრაში საბა საზონოვის „ტორინოს“ დაუპირისპირდა და ფრედ, 0:0 ითამაშა.
გიორგი მიქაუტაძე სათადარიგო სკამზე იყო და მოედანზე 76-ე წუთზე გამოჩნდა. ქართველ თავდამსხმელს შედეგიანი მოქმედება არ ჰქონია, შეხვედრის დასრულების შემდეგ კი მისი თამაში „ლიონის“ მთავარმა მწვრთნელმა, პიერ საჟმა შეაფასა.
L’entrée de Georges Mikautadze… SOUS UNE OVATION INCROYABLE ???????????????????? pic.twitter.com/8sZAfo6qcv
— ????StatsGMikautadze????⚽️ (@StatsMikautadze) July 31, 2024
რა თქვა საჟმა:
„მისი შესვლა ძალიან მომეწონა, ის მონდომებული იყო. მაგრამ რთულია მეტი მოთხოვო, რადგან გუნდში ჯერ მხოლოდ 3 ვარჯიში აქვს ჩატარებული“.
პრესეზონზე, „ლიონი“ მომდევნო ამხანაგურ შეხვედრას 3 აგვისტოს, „უნიონ ბერლინთან“ გამართავს. ამის შემდეგ, მიქაუტაძის გუნდი 10 აგვისტოს ემირატების თასზე „არსენალს“ დაუპირისპირდება, 18 აგვისტოს კი ლიგა 1-ის პირველ ტურში სტუმრად „რენის“ შეხვდება.
