ნიდერლანდები დაამარცხეს - ნადალი და ალკარასი ოლიმპიადის 1/4 ფინალში გავიდნენ

პარიზის ოლიმპიურ თამაშებზე რაფაელ ნადალმა და კარლოს ალკარასმა წყვილში კიდევ ერთხელ გაიბრწყინეს. ესპანურმა დუეტმა ნიდერლანდელები გრიკსპური და კულჰოფი დაამარცხეს.

პირველ სეტში წყვილები საკუთარ ჩაწოდებაზე დამაჯერებლად გამოიყურებოდნენ, თუმცა მეშვიდე გეიმში ესპანელებმა ბრეიკი შეასრულეს, უპირატესობა მოიპოვეს და შანსი ხელიდან აღარ გაუშვეს - 6:4.

მეორე სეტიც თითქმის იდენტური სცენარით წარიმართა. ამჯერად ბრეიკი ვერცერთმა დუეტმა ვერ შეასრულა საქმე ტაი-ბრეიკამდე მივიდა, სადაც უკეთესები ნიდერლანდელები აღმოჩნდნენ - 7:6(7:2).

მატჩმა სუპერ ტაი-ბრეიკზე გადაინაცვლა და კულმინაციის დრო დადგა. ნადალმა და ალკარასმა ყველაფერი დიდებულად გააკეთეს, 4-ჯერ მოიგეს მეტოქის ჩაწოდება და ჯამში 10:2 გაიმარჯვეს.

ესპანური დუეტი წყვილთა თანრიგში ოლიმპიადის მეოთხედფინალში გავიდა, სადაც ამერიკულ დუეტს დაუპირისპირდება.