დენა უაითმა დაადასტურა | დვალიშვილი ომალისთან ქამრისთვის იჩხუბებს
მერაბ დვალიშვილმა საჩემპიონო ბრძოლა მიიღო. UFC-ის პრეზიდენტმა, დენა უაითმა ოფიციალურად დაადასტურა, რომ ქართველი მებრძოლისა და სუპერ მსუბუქი წონითი დივიზიონის მოქმედი ჩემპიონის, შონ ომალის ჩხუბი UFC 306-ის მთავარი მოვლენა იქნება.
UFC 306 ლას-ვეგასში მდებარე „სფეროში“ გაიმართება და როგორც უაითმა აღნიშნა, UFC-ის ისტორიაში ყველაზე ძვირადღირებული ღონისძიება იქნება. დენას თქმით, მისი საბრძოლო ორგანიზაცია „სფეროში“ სხვა ღონისძიებას არ ჩაატარებს და ეს ერთადერთი იქნება.
Sean O’Malley will defend his UFC bantamweight title against Merab Dvalishvili at #NocheUFC on Sept. 14 at Sphere in Las Vegas, Dana White announced. pic.twitter.com/UGR2r346rq
— ESPN MMA (@espnmma) July 27, 2024
დვალიშვილისა და ომალის ჩხუბის გარდა, კიდევ ერთ სატიტულო დაპირისპირებას ვიხილავთ. ალექსა გრასო შეეცდება, საკუთარი ქამარი ვალენტინა შევჩენკოს წინააღმდეგ დაიცვას. UFC 306 10-ბრძოლიანი ქარდი აქვს და ასევე გველოდება ბრაიან ორტეგასა და დიეგო ლოპესის ძალიან საინტერესო შეხვედრა.
I will make you all proud! Vamos !! ???????????????????????????? #UFCNoche pic.twitter.com/d1HYdj0gly
— Merab “The Machine” Dvalishvili (@MerabDvalishvil) July 27, 2024
სხვათა შორის, დენას განცხადების შემდეგ, დვალიშვილმა სოციალურ ქსელში კიდევ ერთი სახალისო ვიდეო გამოაქვეყნა და საჩემპიონო ბრძოლის მიღება აღნიშნა. მერაბი მეორე ქართველია, ვისაც UFC-ის ტიტულის დასაკუთრება შეეძლება. პირველად ეს ილია თოფურიამ გააკეთა.