„აიძულეს თანხმობა ეთქვა“ | ელ მატადორი ბრუნდება
ილია თოფურია ბრუნდება. UFC-ის ქვემსუბუქი წონითი დივიზიონის ქართველმა ჩემპიონმა სოციალურ ქსელებში პოსტი გამოაქვეყნა და გულშემატკივრებს აუწყა, რომ მალე მას ოქტაგონზე ვიხილავთ.
„როგორც ჩანს, UFC-იმ ჩხუბზე თანხმობის თქმა აიძულა. ელ მატადორი დაბრუნდა. გილოცავთ UFC-ის ყველა ქომაგს“, - ნათქვამია თოფურიას პოსტში.
It seems that the UFC has forced him to say yes. El Matador is back. Congratulations to all @ufc fans.
— Ilia Topuria (@Topuriailia) July 24, 2024
ილიას აქცენტი მაქს ჰოლოუეიზე აქვს, რომელიც BMF-ის სიმბოლური ქამრის მფლობელია. „დალოცვილი“ „ელ მატადორის“ მომდევნო მეტოქე უნდა იყოს და თოფურიას პოსტის მიხედვით, ჩხუბზე ორივე მხარე თანახმაა. საინტერესოა, რომ ილიას განცხადებიდან რამდენიმე წუთის შემდეგ, სოციალურ ქსელებში პოსტი ჰოლოუეიმაც გამოაქვეყნა და დაწერა: „მოთმინებით ველოდები“.
Patiently waiting. #blessedexpress pic.twitter.com/vVmUFQCzkl
— Max Holloway (@BlessedMMA) July 24, 2024
სათქმელია ისიც, რომ „ელ მატადორის“ სიტყვებს დიდი გამოხმაურება მოჰყვა. ილია გააკრიტიკეს და განაცხადეს, რომ ჰოლოუეისთვის არავის არაფერი დაუძალებია. ის ჩხუბზე ყოველთვის თანახმა იყო და უარი არასდროს არავისთან ბრძოლაზე უთქვამს.
