პარიზი 2024: არგენტინას გოლი მატჩის დასრულებიდან 2 საათში გაუუქმეს

პარიზის ოლიმპიური თამაშები ოფიციალურად ჯერ არ გახსნილა, თუმცა საფეხბურთო და სარაგბო მატჩები უკვე იმართება. დღეს პარიზში საკმაოდ ხმაურიანი დღე იყო.

თავიანთი მატჩები ერთ-ერთმა ფავორიტებმა ესპანეთმა და არგენტინამ გამართეს.

„პარკ დე პრენსზე“ ესპანეთმა უზბეკეთს 2:1 მოუგო. პირველი ტაიმი ფრედ 1:1 დასრულდა. მეორე ნახევარში კი სერხიო გომესმა გამარჯვების მომტანი გოლი გაიტანა, რომელმაც რამდენიმე წუთით ადრე პენალტის გატანა ვერ შეძლო.

რაც შეეხება არგენტინას, „ალბისელესტე“ მარცხს გადაურჩა. ხავიერ მასკერანოს გუნდმა მაროკოსთან ფრედ 2:2 ითამაშა. მაროკომ პირველი ტაიმის ბოლოს და მეორეს სტარტზე ფავორიტ მეტოქეს თამაში 2:0 წაუყვანა.

68-ე წუთზე ხულიანო სიმეონემ ანგარიშში სხვაობა შეამცირა. ყველაფერი კი ამის შემდეგ დაიწყო. მსაჯის მიერ მე-16 დამატებულ წუთზე კრისტიან მედინამ გაიტანა და მატჩი ფრედ 2:2 დასრულდა. თუმცა მოგვიანებით (მატჩის დასრულებიდან 2 საათში) გოლი გაუქმებულად ჩაითვალა და მასკერანოს გუნდმა საბოლოოდ მაინც წააგო. ამ ფაქტს დიდი დიდი პროტესტი და გამოხმაურება მოჰყვა.

მოგვიანებით ვიდეოც გავრცელდა, სადაც ჩანს, თუ როგორ გამოიყვანა არბიტრმა ფეხბურთელები გასახდელიდან და VAR-ი გამოიყენა, რის შემდეგაც მხოლოდ 3 წუთი ათამაშა. ტრიბუნებიც უკვე ცარიელია, ხალხს აგრესიის გამოხატვის შემდეგ სტადიონი დაატოვებინეს. ეს მომენტი ისტორიაში სავარაუდოდ სამუდამოდ დარჩება.