პსჟ-სთან მოლაპარაკება ჩიხში შევიდა - ნაპოლი ოსიმენს ისევ ვერ ყიდის
დიდი ხანია ვიქტორ ოსიმენის ნაპოლის დატოვება სურს, თუმცა იქ ვერ მიდის, სადაც უნდა. ნიგერიელის ოცნება პრემიერ ლიგაში თამაშია, მაგრამ ინგლისიდან არანაირი შეთავაზება არ აქვს.
ბოლო პერიოდში, ვიქტორს აქტიურად უკავშირებენ პარი სენ ჟერმენს. ამ საკითხთან დაკავშირებით, უახლეს ინფორმაციას გავლენიანი სატრანსფერო ექსპერტი ფაბრიციო რომანო ავრცელებს.
ვიგებთ, რომ პსჟ-სა და ნაპოლის შორის მოლაპარაკება წინ არ მიიწევს. ფრანგულმა მხარემ ოსიმენის ტრანსფერში კანგ-ინ ლის ჩართვაზე უარი განაცხადა. ნაპოლის კი სამხრეთ კორეელი გარემარბის დამატება სურდა. მოლაპარაკება ასეთ პირობებში შეჩერებულია. პარი სენ ჟერმენი რანდალ კოლო მუანით და გონსალუ რამუშით კმაყოფილია.
???????????? Negotiations between PSG and Napoli for Osimhen, not advancing after recent talks.
— Fabrizio Romano (@FabrizioRomano) July 22, 2024
PSG rejected to include Kang-in Lee in the deal and will not trigger release clause as Napoli wanted.
Deal NOT happening under these conditions.
PSG also happy with Ramos & Kolo Muani. pic.twitter.com/R46085YcyQ
შეგახსენებთ, რომ ნაპოლი ვიქტორის გაყიდვას ჩქარობს, რადგან ანტონიო კონტეს რომელუ ლუკაკუს მოყვანა სურს. სიტუაციას ოსიმენის სატრანსფერო ღირებულება ართულებს. აურელიო დე ლაურენტისი მას 130 მილიონ ევროდ აფასებს.
ცნობისთვის, ნაპოლიმ წინასასეზონო მომზადება უკვე დაიწყო და ორი მატჩი გამართა(ორივე მოიგო). ნიგერიელ თავდამსხმელს კი არცერთ შეხვედრაში მონაწილეობა არ მიუღია.
