უეფამ ესპანელი ფეხბურთელების წინააღმდეგ გამოძიება დაიწყო

უეფამ ესპანეთის ნაკრების ფეხბურთელების მხრიდან გიბრალტარის მისამართით სკანდირებაზე გამოძიება დაიწყო.

ევრო 2024-ზე გამარჯვების შემდეგ, მადრიდში ზეიმის დაწყებამდე როდრიმ, ალვარო მორატამ და ლამინ იამალმა ცეკვისა და სიმღერის დროს ასეთი რამ დაიყვირეს: „გიბრალტარი ესპანურია".

მოგვიანებით გიბრალტარის ფეხბურთის ასოციაციამ უეფა-ს ინციდენტის გამო უჩივლა.

„ამ პროცესს ორი მოთამაშე ხელმძღვანელობდა: როდრი და ალვარო მორატა, გამოცდილი ფეხბურთელები, რომლებსაც აქვთ დიდი გამოცდილება საკლუბო და სანაკრებო დონეზე. პირველი ინგლისში მანჩესტერ სიტის ნახევარდაცვაში თამაშობს და ევრო 2024-ის საუკეთესო ფეხბურთელად აღიარეს, მეორე - ეროვნული ნაკრების კაპიტანი, რომელსაც პარადოქსულად ეკეთა უეფას სამკლავური წარწერით RESPECT (პატივისცემა), მთელი ტურნირი.

ვიდეო მსოფლიო მედიაში ფართოდ გავრცელდა, მათ შორის გიბრალტარში, სადაც მას აღშფოთება, დაბნეულობა და იმედგაცრუება მოჰყვა. ეს ქცევა ღრმად შეურაცხმყოფელია გიბრალტარელებისთვის, რომლებმაც არაერთხელ გამოიყენეს თავიანთი დემოკრატიული უფლებები დარჩნენ ბრიტანეთის საზღვარგარეთულ ტერიტორიად.

გარდა ამისა, ფეხბურთელების ქცევა უკანონო იყო, რადგან არღვევს უეფას დისციპლინური დებულების დებულებებს. ის არა მხოლოდ არ შეესაბამება სპორტული შეჯიბრის სულისკვეთებას, არამედ არის უხამსი და შეურაცხმყოფელი, ასევე დისკრიმინაციას ახდენს პოლიტიკური ნიშნით ან/და ეროვნული ან ეთნიკური წარმომავლობის ნიშნით“,

- ნათქვამია მიმართვაში.

უეფამ დღეს გამოაცხადა, რომ დანიშნა ეთიკისა და დისციპლინური ინსპექტორი, რათა შეაფასოს როდრიმ და მორატამ დაარღვიეს, თუ არა ორგანიზაციის დისციპლინური წესები.