ოფიციალურად დღის ბოლოს დადასტურდება | მიქაუტაძემ ლიონთან კონტრაქტი გააფორმა
გიორგი მიქაუტაძე კარიერას „ლიონში“ გააგრძელებს. ავტორიტეტული ფრანგული გამოცემების ინფორმაციით, 23 წლის თავდამსხმელმა სამედიცინო შემოწმება წარმატებით გაიარა და კლუბთან კონტრაქტიც გააფორმა.
მიქაუტაძემ „ლიონს“ საკუთარი მომავალი 2028 წლის ივნისამდე დაუკავშირა. მისი სატრანსფერო ღირებულება 18.5 მილიონი ევროა, ბონუსების გამოკლებით. თუ „ლიონმა“ მისი გაყიდვა გადაწყვიტა, ფრანგულმა გრანდმა „მეცს“ მიღებული თანხის მცირე პროცენტი უნდა გადაურიცხოს.
L'international géorgien Georges Mikautadze a paraphé ce jeudi matin son contrat avec l'OL, jusqu'en juin 2028. Le club rhodanien va verser 18,5 M€, hors bonus, au FC Metz. https://t.co/PrkfJJfUaU pic.twitter.com/n5mHddENPk
— L'ÉQUIPE (@lequipe) July 18, 2024
L’Equipe-ისა და უგო გილემეს ინფორმაციით, ფრანგები ტრანსფერს ოფიციალურად დღის ბოლომდე დაადასტურებენ. მიქაუტაძე მშობლიურ კლუბში დაბრუნდა, რომლის აკადემიაშიც 2008-15 წლებში ირიცხებოდა და შემდეგ მისი დატოვება მოუწია.
მიქაუტაძის გადაბირება „მონაკოსაც“ უნდოდა, მაგრამ მონეგასკებს სურდათ, თანხა რამდენიმე ნაწილად დაეფარათ. „მეცი“ რთულ ფინანსურ მდგომარეობაში იმყოფება და ფული მიმდინარე სატრანსფერო ფანჯრისას სჭირდება, რის გამოც, „ლიონი“ „მონაკოზე“ წინ დააყენეს.
