ფრანგული მედია: “მიქაუტაძის ლიონში ტრანსფერს მისი აგენტი აფერხებს“
ბოლო დღეებში აქტიურად იწერება იმის შესახებ, რომ გიორგი მიქაუტაძე კარიერას ლიონში გააგრძელებს. ქართველ ფეხბურთელს სამედიცინო შემოწმება აქამდე უნდა გაევლო, მაგრამ ჯერჯერობით ამ საკითხზე არანაირი სიახლე არ არსებობს.
ფრანგული გამოცემა butfootballclub ახალ ინფორმაციას ავრცელებს, რომელიც საკმაოდ არასასიამოვნოა.
წყაროს ცნობით, ტრანსფერის გაოფიციალურებას მიქაუტაძის აგენტი აჭიანურებს. გიორგის სამედიცინო შემოწმება უნდა გაევლო და 5-წლიანი კონტრაქტი გაეფორმებინა, მაგრამ ჯერ არცერთი არ მომხდარა. ჯერჯერობით ლიონსა და მეცს შორის შეთანხმება არ არსებობს. ეს ინფორმაცია კი დღეს 17:00-ზე ჟურნალსიტმა ანჯელო სალემმა გაავრცელა.
ინსაიდერი მოჰამედ ტუბაშ-ტერმა კი ყველაფერი ქართველის აგენტს ალენ მილიაჩოს აბრალებს. ინსაიდერის თქმით, მილიაჩოს გიორგის წაყვანა მონაკოში სურს, თუმცა ლიონი მეცს 18 მილიონ ევროს დაუყოვნებლივ ჰპირდება. ეს მეცისთვის პრიორიტეტულია, რადგან ლიგა 1-დან გავარდა და ახალი ფეხბურთელები სჭირდება. მონაკო თანხის გადახდას ნაწილ-ნაწილ გეგმავდა.
Mince alors, Alain Migliaccio boude.
— Mohamed TOUBACHE-TER (@MohamedTERParis) July 17, 2024
Déçu de voir son joueur aller à Lyon… alors qu’il a tout fait pr le mettre à Monaco.
Metz est avantagé car Lyon va payer de suite contrairement à Monaco.
Le Président Serin a besoin d’argent frais. #FCMetz #OL #ASMonaco https://t.co/Y8Hj9VvxI5
შეგახსენებთ, დაახლოებით 1 კვირის წინ გამოცხადდა, რომ მიქაუტაძე კარიერას მონაკოში გააგრძელებდა, თუმცა ბოლო წამს ქართველმა ფეხბურთელმა ტრანსფერი ჩაშალა და მოლაპარაკება ლიონთან დაიწყო.
როგორც ჩანს, გიორგი მიქაუტაძის მომავალი ჯერჯერობით კვლავ ბუნდოვანია.
