ასტანას ჩელენჯერი - ალექსანდრე ბაკში მეოთხედფინალში გავიდა

ყაზახეთში, კონკრეტულად კი ასტანაში ჩელენჯერი მიმდინარეობს, სადაც მონაწილეობას ქართველი ჩოგბურთელი ალექსანდრე ბაკში იღებს.

ალექსანდრემ მერვედფინალურ სტადიაზე იაპონელი ჩოგბურთელი სეიტა ვატანაბე ორ სეტში 6:3 6:1 დაამარცხა და შემდეგ ეტაპზე გავიდა. მეოთხედფინალში ბაკშის მეტოქე ATP რეიტინგის 582-ე ნომერი სერგეი ფომინი იქნება.

შეგახსენებთ, რომ ასტანას ჩელენჯერზე მონაწილეობას კიდევ ერთი ქართველი ჩოგბურთელი საბა ფურცელაძე იღებს, რომელმაც 1/16 ფინალში გაიმარჯვა და ახლა მერვედფინალურ სტადიაზეა, სადაც ომარხანოვს დაუპირისპირდება.

ცნობისთვის, ალექსანდრე ბაკში მსოფლიო რეიტინგში 622-ე ადგილს იკავებს, საბა ფურცელაძე კი 533-ეს.

აღსანიშნავია, რომ ასტანას ჩელენჯერის ბადე ისეა გადანაწილებული, რომ ქართველი ჩოგბურთელები ერთმანეთს ფინალამდე ვერ შეხვდებიან, ტურნირის საპრიზო ფონდი 41 000 დოლარია.

Safely through in 2⃣

Aleksandre Bakshi with a solid 6-3, 6-1 win against Seita Watanabe in Astana ????#ATPChallenger pic.twitter.com/67YC209ymE

— ATP Challenger Tour (@ATPChallenger) July 17, 2024