Here we go | გიორგი მიქაუტაძე მონაკოში გადადის
იტალიელმა სატრანსფერო ექსპერტმა, ფაბრიციო რომანომ გიორგი მიქაუტაძის შესახებ ახალი ინფორმაცია გაავრცელა. რომანოს მიხედვით, გაირკვა გუნდის ვინაობა, რომელშიც ქართველი თავდამსხმელი კარიერას გააგრძელებს და იგი საფრანგეთში რჩება.
სატრანსფერო ექსპერტის ცნობით, მიქაუტაძე „მონაკოში“ ითამაშებს. მხარეებს შორის სიტყვიერი შეთანხმება შედგა და გიორგი მონაკოში შაბათს ჩავა, რის შემდეგაც ოფიციალურ დოკუმენტებს ხელი მოეწერება და განცხადებაც გავრცელდება.
????⚪️???? Georges Mikautadze to AS Monaco, here we go!
— Fabrizio Romano (@FabrizioRomano) July 12, 2024
Verbal agreement in place and travel scheduled on Saturday, waiting on documents to be signed. ????
Package worth €20m fixed fee plus add-ons, also long term deal with the player already agreed as revealed last week. pic.twitter.com/2gkjqhFZmg
მონეგასკები გიორგის სანაცვლოდ 20 მილიონ ევროს გადაიხდიან, რასაც ბონუსებით, გარკვეული თანხა დაემატება. მიქაუტაძეს „რომას“ ვარიანტიც ჰქონდა და „ჯალოროსი“ მის გადასაბირებლად აქტიურად მუშაობდა, მაგრამ ქართველმა თავდამსხმელმა „მონაკო“ აირჩია.
მიქაუტაძემ 2023/24 წლების სეზონი „მეცში“ დაიწყო, ზაფხულის სატრანსფერო ფანჯრის დახურვამდე რამდენიმე საათით ადრე კი „აიაქსში“ გადავიდა. ამსტერდამულ კლუბში მან თავი ვერ გამოიჩინა, რის შემდეგაც „მეცში“ დაბრუნდა და ფრანგულმა კლუბმა მისი კონტრაქტი 13 მილიონ ევროდ გამოისყიდა.