“მეტოქე შევისწავლეთ“ - გიგაური ტირანასთან მატჩის წინ

კონფერენს ლიგის საკვალიფიკაციო ეტაპზე ქუთაისის ტორპედო ტირანას უმასპინძლებს. მატჩის წინ, ქუთაისური გუნდის კაპიტანმა მერაბ გიგაურმა კომენტარი გააკეთა.

გიგაური:

ტირანას სახით საკმაოდ ძლიერ გუნდს ვეთამაშებით, თუმცა მეტოქე შევისწავლეთ და მჯერა, სასურველ შედეგს მივაღწევთ. დარწმუნებული ვარ, რომ სავსე ტრიბუნების წინ ვითამაშებთ, გულშემატკივრის მხარდაჭერა კი ჩვენთვის ძალიან მნიშვნელოვანია. გუნდში მშვენიერი ატმოსფეროა. მზად ვართ ხვალინდელი მატჩისთვის.“

შეგახსენებთ, რომ ტორპედოსა და ტირანას დაპირისპირება 11 ივლისით თარიღდება და თბილისის დროით 21:00-დან დაიწყება.