ოფიციალურად - რაფა მარინი ნაპოლის ფეხბურთელია
ანტონიო კონტე დაცვის ხაზის გაძლიერებას აგრძელებს. დღეს ცნობილი გახდა, რომ ნაპოლის ლეონარდო სპინაცოლა შეუერთდა.
სულ ცოტა ხნის წინ კი რაფა მარინის ტრანსფერი ოფიციალურად დადასტურდა. ესპანელმა ფეხბურთელმა პარტენოპეისთან 5-წლიანი კონტრაქტი გააფორმა. მისი ტრანსფერი 12 მილიონი ევრო დაჯდა.
კონტრაქტში ჩაიდო პუნქტი, რომლის მიხედვითაც, თუ სამეფო კლუბს მარინის გამოსყიდვა ენდომება 50 მილიონი ევროს გადახდა მოუწევს. სხვა გუნდებისთვის კი რაფა 70 მილიონი ეღირება.
შეგახსენებთ, რომ 22 წლის უკანახაზელმა გასული სეზონი იჯარის წესით ალავესში გაატარა, სადაც სოლიდური შთაბეჭდილება დატოვა და ასე მიიქცია ნაპოლის ყურადღება. მადრიდის რეალის მთავარ გუნდში კი არასდროს უთამაშია.
Rafa is proud to be one of us!
— Official SSC Napoli (@sscnapoli) July 10, 2024
???? #ForzaNapoliSempre | #ProudToBeNapoli | #WelcomeRafaMarín pic.twitter.com/htiFb7A9nD
