ოფიციალურად - დიდიე დეშამი საფრანგეთს 2026 წლის მუნდიალზეც უხელმძღვანელებს
საფრანგეთის ნაკრები ევრო 2024-ის ნახევარფინალში ესპანეთთან დამარცხდა. დიდიე დეშამმა კვლავ ვერ შეძლო მწვრთნელის რანგში ევროპის ჩემპიონატის მოგება.
სპორტულ მედიაში აქტიურად იწერებოდა, რომ დეშამს დაკავებული თანამდებობიდან გადააყენებდნენ, თუმცა დღეს ყველა ჭორს წერტილი დაესვა.
გავლენიანი სატრანსფერო ექსპერტი და ცნობილი სპორტული ჟურნალისტი ფაბრიციო რომანო იუწყება, რომ დეშამი მამლებს 2026 წლის მუნდიალზეც გაწვრთნის. რომანომ საფრანგეთის ფეხბურთის ფედერაციის პრეზიდენტის სიტყვები გაავრცელა.
„დეშამს აქვს კონტრაქტი და მან მიაღწია იმ სპორტულ შედეგებს, რომელიც დავუსახეთ. დიდიე საფრანგეთის ნაკრებში თავის მისიას გააგრძელებს.“
შეგახსენებთ, რომ მიმდინარე ევროპის ჩემპიონატზე საფრანგეთის ნაკრებმა უსახური ფეხბურთი ითამაშე. ჯამში გაიტანა 4 გოლი და აქედან 2 ავტო გოლი იყო. ერთი პენალტის ნიშნულიდან მბაპეს ანგარიშზეა, ხოლო ერთი რანდალ კოლო მუანის.
???????????? Didier Deschamps will stay as France head coach until World Cup 2026.
— Fabrizio Romano (@FabrizioRomano) July 10, 2024
FFF president Diallo: “Deschamps has a contract and he’s achieved the sporting objective that was set for him. Didier will continue his mission”, Diallo told L’Équipé. pic.twitter.com/wpfNPPbR4x
