გაკპო: “ჩვენი ამბიცია ფინალში გასვლაა“
ევრო 2024-ის ნახევარფინალში ინგლისი ნიდერლანდებს დაუპირისპირდება. მატჩის წინ, ნიდერლანდების ნაკრების ფეხბურთელმა კოდი გაკპომ ჟურნალისტებთან ისაუბრა.
რა თქვა გაკპომ?
„მიმდინარე ევროპის ჩემპიონატი ჩვენთვის დიდი მნიშვნელობის ტურნირია. ვგრძნობ, რომ ჩვენ უკვე გადავდგით წინგადადგმული ნაბიჯი კატარის მსოფლიო ჩემპიონატთან შედარებით. მოხარული ვარ, რომ ამის ნაწილი ვარ. ახლა ნიდერლანდები გაცილებით კარგ ფეხბურთს თამაშობს.
ინგლისს ძალიან ძლიერი ნაკრები ჰყავს. ჩვენ ახლა ნახევარფინალში ვართ და ცხადია, რომ ეს არ არის ტურნირის დასასრული. ნახევარფინალში გასულ ყველა გუნდს მხოლოდ ფინალში გასვლა სურს. ეს, რა თქმა უნდა, ჩვენც გვეხება. ასე რომ, ჩვენი ამბიცია მხოლოდ გამარჯვებაა.“
შეგახსენებთ, რომ ინგლისისა და ნიდერლანდების დაპირისპირება 10 ივლისით თარიღდება და თბილისის დროით 23:00-დან დაიწყება.
