საუთგეიტი: ამ ევროპის ჩემპიონატზე ეს ჩვენი საუკეთესო თამაში იყო

ევრო 2024-ის 1/4-ფინალში ინგლისმა შვეიცარიას პენალტების სერიაში 5:3 მოუგო და ნახევარფინალში გავიდა.

გარეტ საუთგეიტის ხელმძღვანელობით ინგლისელმა ფეხბურთელებმა ევროპის ჩემპიონატის ფინალურ ეტაპზე მე-12 მატჩი გამართეს, უშუალოდ თამაშში არ დამარცხებულან. საუთგეიტი ევროპის ჩემპიონატების ისტორიაში პირველი მწვრთნელია, რომლის ხელმძღვანელობით გუნდმა 12 მატჩი გამართა და ერთხელაც არ დამარცხებულა.

შვეიცარიასთან მატჩის შემდეგ საუთგეიტმა შემდეგი კომენტარი გააკეთა: „ვფიქრობ ფეხბურთელები ბრწყინვალენი იყვნენ. მიმდინარე ევროპის ჩემპიონატზე საუკეთესო მატჩი დღეს ჩავატარეთ. ხასიათი და გამძლეობა ვაჩვენეთ. ბრწყინვალე თამაში, დიდებული შედეგი და ჩვენ ისევ აქ ვართ. მხოლოდ ფეხბურთის თამაში საკმარისი არაა, სხვა თვისებებიც საჭიროა’’.

1/2-ფინალში ინგლისის ნაკრები ნიდერლანდებსა და თურქეთს შორის მოგებულს დაუპირისპირდება.