ჰამანი: რონალდუს ევროზე მხოლოდ მისი თავი აინტერესებდა, გუნდელებს შანსები წაართვა
ვეტერანმა გერმანელმა ფეხბურთელმა დიტმარ ჰამანმა ევრო 2024-ზე კრიშტიანუ რონალდუს ასპარეზობა უარყოფითად შეაფასა და მას ეგოისტი უწოდა.
„სლოვენიასთან მატჩში თავისი საქციელით მან კიდევ ერთხელ აჩვენა, რომ მხოლოდ საკუთარი თავით არის დაინტერესებული. რონალდუ თანაგუნდელების ბურთებს იპარავდა, რადგან სასოწარკვეთილი იყო და გოლის გატანა სურდა.
როგორც კაპიტანმა, მან ტირილი დაიწყო, რადგან პენალტი ვერ გაიტანა. და მაინც მის გუნდს წარმატების ყველა შანსი ჰქონდა. მას არ სჭირდებოდა ბოდიშის მოხდა მისი შეცდომის გამო.
გუნდზე და გულშემატკივრებზე რომ ზრუნავდეს, მაშინ მას გამბედაობა უნდა გამოეჩინა, მწვრთნელთან მისულიყო და ეთქვა: „ერთ-ერთმა ახალგაზრდა თავდამსხმელმა ითამაშოს და თუ ცეცხლი გაჩნდა, ბოლო ნახევარ საათში მოედანზე გამოვალ“.
მაგრამ ის ამას არ გააკეთებს, რადგან მისთვის უფრო მნიშვნელოვანია, რომ ევროპის ჩემპიონატების ისტორიაში ყველაზე ასაკოვანი ბომბარდირი გახდეს“,
- განაცხადა ჰამანმა.
შეგახსენებთ, რომ რონალდუმ ტურნირი გატანილი გოლის გარეშე დაასრულა.
