„უკვე რაღაცებს იგონებს“ | ჰოლოუეიმ თოფურიას უპასუხა
UFC-ის BMF-ის საჩემპიონო ქამრის მფლობელმა, მაქს ჰოლოუეიმ ილია თოფურიას უპასუხა. Marca-სთვის მიცემულ ინტერვიუში, „ელ მატადორმა“ განაცხადა, ჰოლოუეისთან ჩხუბისთვის მზადაა, მაგრამ UFC-ი მაქსისგან პრობლემებს წააწყდა, რის გამოც, ბრძოლის ჩანიშვნა ვერ მოხერხდა.
„დალოცვილი“ თოფურიას სიტყვებს X-ის საკუთარ გვერდზე გამოეხმაურა. ჰოლოუეიმ ნიკ იანგის ცნობილი მიმი გამოიყენა და განაცხადა: „ამ ეტაპზე, ეს ბიჭი უკვე რაღაცებს იგონებს. მე მზად ვარ“.
Guy is just making things up at this stage,
— Max Holloway (@BlessedMMA) July 3, 2024
I been ready. https://t.co/pcEM4Vi98i pic.twitter.com/GkptG2kmsX
ცნობისთვის, ილიას თქმით, UFC-სგან სატელეფონო ზარი მიიღო და განუცხადეს, რომ ჰოლოუეის ოჯახური პრობლემები ჰქონდა, წონის კლება უჭირდა და მსუბუქ წონით დივიზიონში უნდოდა ჩხუბი. სწორედ ესაა მიზეზები, რომელთა გამოც მათი ბრძოლა ჯერჯერობით არ ჩანიშნულა.
შეგახსენებთ, რომ ჰოლოუეიმ ბოლოს სწორედ მსუბუქ წონით დივიზიონში იჩხუბა და BMF-ის ქამრისთვის ჯასტინ გეიჯის დაუპირისპირდა. „დალოცვილმა“ ფენომენალური გამოსვლა აჩვენა და გეიჯი, ეპიკურ ბრძოლაში, ნოკაუტით დაამარცხა.
