20-წლამდელთა ევროპის ჩემპიონატი | ბერძნულ-რომაული სტილით მოჭიდავეების ორი ოქრო

სერბეთის ქალაქ ნოვი სადში 20-წლამდელთა შორის მიმდინარე ევროპის ჩემპიონატზე ბერძნულ-რომაულ ჭიდაობაში ქართველმა ფალავნებმა, აჩიკო ბოლქვაძემ (87 კგ) და საბა ჩილაშვილმა (130 კგ) ოქროს მედლები მოიპოვეს.

ტურნირის ფინალში იჭიდავა და ვერცხლს დაეუფლა ანრი ხოზრევანიძე (63 კგ). კონტინენტის პირველობაზე მესამე ადგილზე თორნიკე მიქელაძე (77კგ) გავიდა.

დღეს შეჯიბრება დარჩენილ ხუთ წონით კატეგორიაში გაიმართება. ჯერ დამამშვიდებელი ორთაბრძოლები შედგება, ხოლო მოგვიანებით – ფინალური ბლოკი.