მერაბი ომალის გამოკითხვას გამოეხმაურა | ჩემპიონი ჯერჯერობით დუმს
UFC-ის სუპერ მსუბუქი წონითი დივიზიონის ჩემპიონის, შონ ომალისა და მერაბ დვალიშვილის სიტყვების ომი გრძელდება. „მანქანამ“ სოციალურ ქსელში პოსტი გამოაქვეყნა და „ომალის“ გამოკითხვის შედეგებს გამოეხმაურა.
„შუგამ“ X-ის საკუთარ გვერდზე გამოკითხვა დაიწყო: „არის თუ არა მერაბ დვალიშვილი ვაჟიშვილი?“. მასში მონაწილეობა 40 000-ზე მეტმა ადამიანმა მიიღო და მათმა უმრავლესობამ, 59.7 პროცენტმა დადებითი პასუხი დააფიქსირა, რის შემდეგაც „მანქანამ“ ომალის ქომაგებს მიმართა.
Is Merab a virgin ?
— Sean O'Malley (@SugaSeanMMA) June 22, 2024
„არის! შედეგები ცნობილია... ვაჟიშვილი ვარ! შონ ომალის რომელიმე გულშემატკივარი მზადაა, მოხალისედ გამოვიდეს და ვაჟიშვილობა დამაკარგვინოს?“, - დაწერა მერაბმა და ომალის მისთვის ჯერ არ უპასუხია.
შეგახსენებთ, რომ ეს დვალიშვილის მეორე გამოხმაურებაა. რამდენიმე საათის წინ, „მანქანამ“ ჩემპიონის გამოკითხვას ასე უპასუხა: „შენი შვილის დედას ჰკითხე“.