უკრაინის გამარჯვება - რებროვის გუნდმა სლოვაკეთთან თამაში შემოატრიალა

ევრო 2024-ის E ჯგუფის მეორე ტურში სლოვაკეთი უკრაინასთან 1:2 დამარცხდა.

ფრანჩესკო კალცონას გაწვრთნილმა სლოვაკეთმა ივან შრანცის გოლით პირველი ტაიმი მოიგო, საგოლე პასი ლუკაშ ჰარასლინმა შეასრულა.

მეორე ტაიმში სერგეი რებროვის გაწვრთნილებმა თამაში შემოატრიალეს, ოლექსანდრ ზინჩეკოს საგოლე პასით მიკოლა შაპარენკომ გაათანაბრა. მე-80 წუთზე შაპარენკოს საგოლე გადაცემას რომან იარემჩუკის გამარჯვების გოლი მოჰყვა, „ვალენსიას’’ ფორვარდმა ახლო მანძილიდან შეაგდო.

ამავე ჯგუფში მეორე ტურში ბელგია - რუმინეთის მატჩი გაიმართება (22 ივნისი, 23:00).

უკრაინამ პირველი მატჩი რუმინეთან დათმო (3:0), დღეს 3 ქულა მოუპოვა, მესამე ტურში ბელგიას შეხვდება (26 ივნისი, 20:00).

უკრაინისგან განსხვავებით სლოვაკეთმა პირველი შეხვედრა მოიგო, სენსაციურად ბელგია დაამარცხა.