ქინქლაძე: არ გააკრიტიკოთ ფეხბურთელები, არამედ იზეიმეთ

„მან. სიტის'' ლეგენდა გიორგი ქინქლაძე ფიქრობს, რომ საქართველოს ეროვნული ნაკრების ფეხბურთელები მარცხის შემდეგ არ უნდა გავაკრიტიკოთ. ქინქლაძე აღნიშნავს, რომ შეცდომები თამაშის ნაწილია, შესაძლოა ყოველთვის გოლი ვერ გაიტანო, თუმცა თავდადება და სულისკვეთება ყველას შთააგონებს. 

ქინქლაძემ Facebook-ში თავის ოფიციალურ გვერდზე დაწერა: „წარმატება ყოველთვის არ არის მოგება, ეს არის ის, თუ როგორ გამოჩნდები და იბრძოლებ. წაგების მიუხედავად, ჩვენი ახალგაზრდა გუნდი ბრწყინავდა და ყველას გვაამაყებდა. მხოლოდ ერთ თამაშში ამ შესანიშნავმა ბავშვებმა საქართველო გააცნეს მსოფლიოს.

გულშემატკივრებს მოგიწოდებთ, არ გააკრიტიკოთ, არამედ იზეიმოთ ეს მომენტი. ჩვენ ძალიან ბევრი გვაქვს საამაყო და ჩვენი მოგზაურობა ევრო 2024-ზე მხოლოდ ახლა იწყება. დაუდექით ჩვენს გუნდს, მხარი დაუჭირეთ მათ და ისიამოვნეთ წარმოუდგენელი ფეხბურთით, რომელსაც ისინი საერთაშორისო ასპარეზზე აჩვენებენ. შეიძლება ყოველთვის ვერ გაიტანო გოლი, შეიძლება შეცდომები დაუშვა და ეს თამაშის ნაწილია, მაგრამ თავდადება და სულისკვეთება ყველას შთააგონებს. თავი მაღლა აწიეთ, ჩვენ ერთად ყველაფერი შეგვიძლია. დიდი სიყვარული და პატივისცემა ყველა ქართველ გულშემატკივარს!''.

ევრო 2024-ის F ჯგუფის პირველ ტურში თურქეთმა საქართველოს 3:1 მოუგო, პორტუგალიამ ჩეხეთი 2:1 დაამარცხა. მეორე ტურში სანიოლის გუნდი ჩეხეთს შეხვდება (22 ივნისი, 17:00), დასკვნით ტურში პორტუგალიას დაუპირისპირდება (26 ივნისი, 23:00).

ფოტოები: გიორგი ქინქლაძის ოფიციალური გვერდი, Nakrebi.ge