UEFA: „გიულერის ჭექა-ქუხილით ამაღელვებელი გამარჯვება“

ევროპის ჩემპიონატის ჯგუფური ეტაპის პირველ ტურში საქართველო თურქეთს დაუპირისპირდა და უმძიმეს ბრძოლაში 1:3 დამარცხდა.

მატჩის დასრულების შემდეგ, UEFA.Com-მა მატჩი შეაფასა.

რას წერს UEFA?

„არდა გიულერის ჭექა-ქუხილმა ამაღელვებელი გამარჯვება აანთო. რეალის ფეხბურთელმა დაუვიწყარი გოლით დებიუტანტ საქართველოს აჯობა. დორტმუნდში ნამდვილი თრილერი გაიმართა.

პირველი ნახევარი საათის განმავლობაში კითხვაზე ნაკლები იყო, თუ ვინ მოიგებდა. ჰაკან ჩალჰანოღლუ მატჩის ტემპს კარნახობდა. მიულდურის დარტყმის შემდეგ, კარის ბადემ ვიბრაცია ძლივს შეწყვიტა. შემდეგ კიდევ ერთი გოლი, თუმცა თამაშგარე..

სულ მალე მეცის თავდამსხმელმა გიორგი მიქაუტაძემ დაბალი დარტყმით გაიტანა და წონასწორობა აღადგინა. მას ძალიან მალე საქართველოს დაწინაურებაც შეეძლო. არდა გიულერმა ბრწყინვალე გოლი გაიტანა და თურქეთს უპირატესობა შეუქმნა. მიუხედავად ამისა, საქართველო არ ნებდებოდა.

გიორგი ქოჩორაშვილის დარტყმა ძელს მოხვდა, ხოლო კვარაცხელიას ჩაწოდებამ საჯარიმოში ყველაფერი თავდაყირა დააყენა. დებიუტანტები ყველაფერს ცდილობდნენ, მამარდაშვილი საჯარიმოშიც ჩავიდა, მაგრამ კუთხურის შემდეგ, აკტურკოღლუმ ცარიელ კარში გაიტანა.“

ცნობისთვის, შემდეგ ტურში საქართველო ჩეხეთს დაუპირისპირდება. აღნიშნული მატჩი 22 ივნისით თარიღდება და თბილისის დროით 17:00-დან დაიწყება.