კონფერენს ლიგაზე ტორპედოსა და თბილისის დინამოს მეტოქეები ცნობილია

UEFA-ს კონფერენს ლიგის 2024-25 წლების სეზონის პირველ საკვალიფიკაციო ეტაპზე თბილისის „დინამოს’’ მეტოქე მონტენეგროს წარმომადგენელი „მორნარია’’, ხოლო ქუთაისის „ტორპედო’’ ალბანურ „ტირანას’’ დაუპირისპირდება.

კონფერენსლიგის I საკვალიფიკაციო ეტაპის მატჩები სავარაუდოდ 11 და 18 ივლისს გაიმართება, თარიღები 21 ივნისს დაზუსტდება. პირველ შეხვედრას „დინამო’’ სტუმრად ჩაატარებს, „ტორპედო’’ - შინ.

კონფერენს ლიგაზე „იბერიაც’’ ითამაშებს, რომელიც ტურნირში მეორე საკვალიფიკაციო ეტაპზე ჩაერთვება. თბილისური კლუბის მეტოქე 19 ივნისს გაირკვევა.

შეგახსენებთ, ჩემპიონთა ლიგის საკვალიფიკაციო ეტაპის წილისყრა გაიმართა, ბათუმის „დინამოს'' მეტოქე ბულგარული „ლუდოგორეცი'' იქნება.