ვეგჰორსტის გამარჯვების გოლი - ნიდერლანდების დრამატული გამარჯვება პოლონეთთან

ევრო 2024-ის C ჯგუფის პირველ შეხვედრაში პოლონეთი ნიდერლანდებთან 1:2 დამარცხდა.

ანგარიში პოლონელებმა მე-16 წუთზე გახსნეს, კუთხურისას პიოტრ ჟელინსკის საგოლე პასით ადამ ბუკსამ გაიტანა. ბუკსამ, რომელიც სიმაღლეში 1,91 მეტრია, საჯარიმოში მეორე სართულზე ყველას აჯობა, თავით დაარტყა, დიდ საფეხბურთო ფორუმზე პირველად შეაგდო.

29-ე წუთზე ნიდერლანდებთა მაღალ პრესინგს სახიფათო მომენტი მოჰყვა, კოდი გაკპომ დაარტყა და გოლი რიკოშეტით გავიდა.

მსოფლიოსა და ევროპის ჩემპიონატების ფინალურ ეტაპებზე კოდი გაკპომ ჯგუფურ ეტაპებზე ზედიზედ მეოთხე შეხვედრაში გაიტანა. „ლივერპულის’’ შემტევმა 2022 წლის მუნდიალის ჯგუფურ ეტაპზე სამივე შეხვედრაში შეაგდო (სენეგალთან, ეკვადორთან, კატართან) და დღეს ზედიზედ მეოთხე შეხვედრაში გაიტანა, კრიშტიანუ რონალდუსა და ალვარო მორატას შედეგი გაიმეორა. ამ საუკუნეში ასეთი სტატისტიკა მხოლოდ მათ აქვთ.

მეორე ტაიმში ნიდერლანდებთა მთავარმა მწვრთნელმა რონალდ კუმანმა ცვლილება გამოიცნო, თამაშში ვაუტ ვეგჰორსტი ჩართო, რომელმაც 83-ე წუთზე პოლონელთა გამოცდილ მცველს, ბარტოშ სალამონს დაასწრო და ახლო მანძილიდან გაიტანა.