„ჩავი სიმონსი კვარაცხელიაზე ბევრად ძლიერია“ | იტალიელი ჟურნალისტი

რიკარდო ტრევიზანი იტალიელი ჟურნალისტია, რომელსაც Mediaset-ისთვის, Sky Sport Italia-სთვის და Canale 5-ისთვის უმუშავია. ტრევიზანიმ ხვიჩა კვარაცხელია ჩავი სიმონსს შეადარა და განაცხადა, რომ ნიდერლანდელი ფეხბურთელი „კვარაზე“ ბევრად ძლიერია.

„ჩავი სიმონსი ოქროს ბურთის რეიტინგის ტოპ 5-შია. მას ყველაფერი აქვს: შორიდან დარტყმა, თანაგუნდელების თამაშში ჩართვის უნარი, ხასიათი და რა თქმა უნდა, უნიკალური ტალანტი. ვთვლი, რომ ერთადერთი, რაც მას სჭირდება, კარგი მწვრთნელი და გრანდია, რომელიც მას ნდობას გამოუცხადებს და დააფასებს.

ვნახოთ, კარიერას სად გააგრძელებს. დაიწერა, რომ მისით ბაიერნია დაინტერესებული, მაგრამ არ ვიცი, ვენსან კომპანი არის თუ არა ის სპეციალისტი, ვისაც გუნდში ვითარების გამოსწორება შეუძლია. პარი სენ-ჟერმენი? წავიკითხე, რომ პსჟ მზად იყო, ხვიჩა კვარაცხელიაში 100 მილიონი ევრო გადაეხადა. პირადად ჩემთვის, ჩავი სიმონსი კვარაზე ბევრად ძლიერი ფეხბურთელია და ამაში ეჭვი არ მეპარება. მსოფლიოში მხოლოდ 5 მოთამაშეა, რომლებიც ჩავი სიმონსზე მაღლა დგანან“.

ცნობისთვის, ბუნდესლიგის 2023/24 წლების სეზონში, სიმონსმა  „ლაიფციგის“ მაისურით  23 შეხვედრა ჩაატარა და 8 გოლი გაიტანა. ჩემპიონთა ლიგაზე, მან თავი 2-ჯერ გამოიჩინა და Transfemarkt-ზე მისი სატრანსფერო ფასი 80 მილიონი ევროა.