ვინ იქნება ევრო 2024-ის სიურპრიზი | Four Four Two-ს ექსპერტმა კვარა გამოარჩია

ავტორიტეტულმა ბრიტანულმა ჟურნალმა, Four Four Two-მ ევროპის 2024 წლის ჩემპიონატს საინტერესო სტატია მიუძღვნა და თავისი საფეხბურთო ექსპერტების ვარაუდები გაგვიზიარა. მათ ტურნირის გამარჯვებულის, საუკეთესო ბომბარდირის, ინგლისის ნაკრების შანსებისა და ევრო 2024-ის სიურპრიზის დასახელება სთხოვეს.

ჯეიმს ენდრიუს აზრით, ტურნირის სიურპრიზი საქართველოს ნაკრების ფეხბურთელი, ხვიჩა კვარაცხელია გახდება და Four Four Two-ს ექსპერტი „კვარაზე“ მოკლედ საუბრობს: „საქართველოს ნაკრების ფეხბურთელი, ხვიჩა კვარაცხელია სანაკრებო სცენაზე წარდგება. მან ნაპოლის ჩემპიონობაში გადამწყვეტი როლი ითამაშა და გასულ სეზონში, კლუბის წარუმატებელი ასპარეზობის მიუხედავად, 11 გოლი მაინც გაიტანა.

დებიუტანტ საქართველოს F ჯგუფიდან გასვლა თუ უნდა, სადაც მისი მეტოქეები პორტუგალია, ჩეხეთი და თურქეთი არიან, ჯვაროსნებისთვის აუცილებელია, კვარაცხელია ფორმაში იყოს“.

შეგახსენებთ, რომ ევროპის ჩემპიონატი გერმანიისა და შოტლანდიის ნაკრებების მატჩით გაიხსნება. საქართველოს ნაკრები თავის შეხვედრას 18 ივნისს გამართავს და თბილისის დროით, 20:00-ზე, „სიგნალ იდუნა პარკზე“ თურქეთს დაუპირისპირდება.

ფოტო: nakrebi.ge