საქართველოს ნაკრებს სენსაციების მოხდენა შეუძლია - ყენია გერმანულ მედიასთან
საქართველოს ეროვნული ნაკრებისა და „შალკეს’’ ყოფილი ფეხბურთელი ლევან ყენია საქართველოს ნაკრების ევრო 2024-ზე თამაშთან დაკავშირებით გერმანულ გამოცემა Fusball.de-ს ესაუბრა.
„საქართველო საფეხბურთო ქვეყანაა. შესაბამისად, ენთუზიაზმი დიდია. განსაკუთრებით იმიტომ რომ ეკონომიკური და პოლიტიკური კუთხით საქართველოში ძალიან რთული დროა. ევრო 2024 მთელი ქვეყნისთვის ძალიან კარგია.
პერსონალურად ჩემთვის რაღაც განსაკუთრებულია ის ფაქტი, რომ ჩვენ ევროპის ჩემპიონატს გერმანიაში ვითამაშებთ. წლებია გერმანიაში ვცხოვრობ და როგორც ქომაგს, საქართველოს ევროპის ჩემპიონატზე თამაში ამაყს მხდის. უკეთესი იქნებოდა ევროპის ჩემპიონატის გამოცდილება როგორც მოთამაშეს მიმეღო.
საქართველოს ნაკრების შანსებზე საუბარი რთულია. ალბათ, თურქეთთან მატჩი გასვლითი შეხვედრა იქნება. ჩეხეთი ძალიან ძლიერია და პორტუგალია ჯგუფის გამოკვეთილი ფავორიტია. ფეხბურთში შესაძლოა ყველაფერი მოხდეს, ჩვენმა ბიჭებმა თამაშით სიამოვნება უნდა მიიღონ, მათ სენსაციების მოხდენა შეუძლიათ.
საქართველოს ნაკრები გამოცდილი და ახალგაზრდა ფეხბურთელების კარგი სინთეზია. ტაქტიკურად გამართული გუნდია და კონტრშეტევებზე თამაში კარგად შეუძლიათ. საერთო ჯამში საქართველოს ეროვნულ ნაკრებში საოცარი გუნდური სულისკვეთებაა''.
საქართველოს ნაკრების შემადგენლობა ევრო 2024-ზე
მეკარეები: გიორგი მამარდაშვილი (ვალენსია, ესპანეთი), გიორგი ლორია (დინამო თბილისი, საქართველო), ლუკა გუგეშაშვილი (ყარაბაღი, აზერბაიჯანი)
მცველები: სოლომონ კვერკველია (ალ უხდუდი, საუდის არაბეთი), გიორგი გველესიანი (პერსეპოლისი, ირანი), გურამ კაშია (სლოვანი, სლოვაკეთი), ჯიმი ტაბიძე (პანეთოლიკოსი, საბერძნეთი), ლაშა დვალი (აპოელი, კვიპროსი), ლუკა ლოჩოშვილი (კრემონეზე, იტალია), ოთარ კაკაბაძე (კრაკოვია, პოლონეთი), გიორგი გოჩოლეიშვილი (შახტარი, უკრაინა)
ნახევარმცველები: გიორგი ჩაკვეტაძე (უოტფორდი, ინგლისი), ანზორ მექვაბიშვილი (კრაიოვა, რუმინეთი), გაბრიელ სიგუა (ბაზელი, შვეიცარია), ოთარ კიტეიშვილი (შტურმი, ავსტრია), ნიკა კვეკვესკირი (ლეხი, პოლონეთი), გიორგი ქოჩორაშვილი (ლევანტე, ესპანეთი), სანდრო ალთუნაშვილი (ვოლფსბერგერი, ავსტრია), ლევან შენგელია (პანეთოლიკოსი, საბერძნეთი), გიორგი წიტაიშვილი (დინამო ბათუმი, საქართველო), საბა ლობჟანიძე (ატლანტა იუნაიტედი, აშშ), ზურიკო დავითაშვილი (ბორდო, საფრანგეთი)
თავდამსხმელები: გიორგი მიქაუტაძე (მეცი, საფრანგეთი), ბუდუ ზივზივაძე (კარლსრუე, გერმანია), გიორგი ქვილითაია (აპოელი, კვიპროსი), ხვიჩა კვარაცხელია (ნაპოლი, იტალია)
ევრო 2024 | საქართველოს ნაკრების მატჩების განრიგი
18 ივნისი | თურქეთი - საქართველო | 20:00
22 ივნისი | საქართველო - ჩეხეთი | 17:00
26 ივნისი | საქართველო - პორტუგალია | 23:00
