კვეკვესკირი: ვილი ფრანგია, მაგრამ საქართველოს ეროვნული გმირია
საქართველოს ეროვნული ნაკრების ფეხბურთელი ნიკა კვეკვესკირი Footmercato-ს ესაუბრა. ქართველ ფეხბურთელს ვილი სანიოლზე ჰკითხეს, ნიკამ ფრანგ სპეციალისტზე დადებითად ისაუბრა და აღნიშნა, რომ ვილი საქართველოს ეროვნული გმირია.
„შედეგი მეტყველებს მის კარგ მუშაობაზე. ევროპის ჩემპიონატზე პირველად ვითამაშებთ, შემიძლია ბევრი რამ ვთქვა, რადგან ვილის მიმართ დიდი პატივისცემა გვაქვს. დისციპლინა, ტექნიკაზე მუშაობა, ტაქტიკა, ყველაფერი რაც მან გუნდში მოიტანა, დაამკვიდრა და ძალიან კარგად მუშაობს.
ჩვენ დიდებულად ვმუშაობთ, მატჩიდან მატჩამდე ვპროგრესირებთ. შემიძლია მის მიმართ ბევრი საქებარი სიტყვები ვთქვა, მაგრამ შემდეგ თანაგუნდელები ჩემზე იხუმრებენ.
ვილი ფრანგია, მაგრამ ის ახლა საქართველოს ეროვნული გმირია’’.
საქართველოს ნაკრების შემადგენლობა ევრო 2024-ზე
მეკარეები: გიორგი მამარდაშვილი (ვალენსია, ესპანეთი), გიორგი ლორია (დინამო თბილისი, საქართველო), ლუკა გუგეშაშვილი (ყარაბაღი, აზერბაიჯანი)
მცველები: სოლომონ კვერკველია (ალ უხდუდი, საუდის არაბეთი), გიორგი გველესიანი (პერსეპოლისი, ირანი), გურამ კაშია (სლოვანი, სლოვაკეთი), ჯიმი ტაბიძე (პანეთოლიკოსი, საბერძნეთი), ლაშა დვალი (აპოელი, კვიპროსი), ლუკა ლოჩოშვილი (კრემონეზე, იტალია), ოთარ კაკაბაძე (კრაკოვია, პოლონეთი), გიორგი გოჩოლეიშვილი (შახტარი, უკრაინა)
ნახევარმცველები: გიორგი ჩაკვეტაძე (უოტფორდი, ინგლისი), ანზორ მექვაბიშვილი (კრაიოვა, რუმინეთი), გაბრიელ სიგუა (ბაზელი, შვეიცარია), ოთარ კიტეიშვილი (შტურმი, ავსტრია), ნიკა კვეკვესკირი (ლეხი, პოლონეთი), გიორგი ქოჩორაშვილი (ლევანტე, ესპანეთი), სანდრო ალთუნაშვილი (ვოლფსბერგერი, ავსტრია), ლევან შენგელია (პანეთოლიკოსი, საბერძნეთი), გიორგი წიტაიშვილი (დინამო ბათუმი, საქართველო), საბა ლობჟანიძე (ატლანტა იუნაიტედი, აშშ), ზურიკო დავითაშვილი (ბორდო, საფრანგეთი)
თავდამსხმელები: გიორგი მიქაუტაძე (მეცი, საფრანგეთი), ბუდუ ზივზივაძე (კარლსრუე, გერმანია), გიორგი ქვილითაია (აპოელი, კვიპროსი), ხვიჩა კვარაცხელია (ნაპოლი, იტალია)
ევრო 2024 | საქართველოს ნაკრების მატჩების განრიგი
18 ივნისი | თურქეთი - საქართველო | 20:00
22 ივნისი | საქართველო - ჩეხეთი | 17:00
26 ივნისი | საქართველო - პორტუგალია | 23:00
