„ჰიპოთეზა, რომ კვარა გუნდს დატოვებს, რეალური არ არის“ - იტალიელი ჟურნალისტი ხვიჩაზე
„ნაპოლისთან“ დაახლოებული ჟურნალისტი და რადიო Kiss Kiss Napoli-ის ჟურნალისტი, კარლო ალვინო ხვიჩა კვარაცხელიას მომავალთან დაკავშირებით ინფორმაციას ავრცელებს და ამტკიცებს, რომ ქართველი შემტევი მომავალი სეზონიდან კვლავ ნეაპოლური გუნდის შემადგენლობაში იასპარეზებს.
რას ამბობს ალვინო:
„კვარას შესახებ ახალი ამბები გავიგე და ყველა მეუბნება, რომ კონტეს გუნდში მას მთავარი როლი ექნება. ის „ნაპოლისთვის“ ფუნდამენტური საყრდენი იქნება და მომავალ სეზონში გუნდი მის გარშემო აეწყობა. თუ ოდესმე შეთავაზება იქნება, მაშინ ის გრანდიოზული უნდა იყოს, რომელზეც კლუბი უარს ვერ იტყვის. მაგრამ იმ ჰიპოთეზის, თითქოს ის გუნდს დატოვებს, ვფიქრობ, რომ რეალური არ არის“.
ცნობისთვის, ცოტა ხნის წინ იტალიურ მედიაში დაიწერა, რომ „ნაპოლის“ ხვიჩა კვარაცხელიასთან კონტრაქტის გახანგრძლივება ევროპის ჩემპიონატის დაწყებამდე სურს და ამის გამო, უახლოეს დღეებში ანტონიო კონტე გერმანიაში გაემგზავრება, სადაც საქართველოს ნაკრებმა ტურნირის დაწყებამდე დასკვნითი შეკრება უნდა გაიაროს და ხვიჩას ახალი პროექტის შესახებ ინფორმაციას დეტალურად გააცნობს.
