ლაკაზეტი წასვლასთან ახლოსაა | ლიონი მიქაუტაძის ტრანსფერზე სერიოზულად ფიქრობს
ალექსანდრ ლაკაზეტი „ლიონის“ დატოვებასთან ძალიან ახლოსაა. ფრანგი ფეხბურთელის გადაბირებით „ალ-ქადსია“ დაინტერესდა, რომელიც საუდის არაბეთის უმაღლეს დივიზიონში დაწინაურდა და ახალი სეზონისთვის, შემადგენლობის გაძლიერებას აპირებს.
„ალ-ქადსიამ“ ლაკაზეტთან სიტყვიერ შეთანხმებას მიაღწია და საუდელთა წარმომადგენლები საფრანგეთში გაემგზავრნენ, რათა ტრანსფერი დახურონ. „ლიონის“ სპორტულ დირექტორთან, დავიდ ფრიოსთან მოლაპარაკებები მიმდინარეობს და როგორც Footmercato წერს, ფრანგული კლუბი 33 წლის თავდამსხმელის გასაშვებად თანახმაა.
????EXCL: ❤️???????????? #Ligue1 |
— Santi Aouna (@Santi_J_FM) June 3, 2024
????Des dirigeants d'Al-Qadsiah ???????? se sont rendus à Lyon pour discuter du transfert d'Alexandre Lacazette
???? Négociations en cours avec David Friio
???? Accord contractuel déjà trouvé avec l'attaquant français
???? En cas de départ, l'OL a déjà activé… pic.twitter.com/hHr2rVcNKP
„ლიონს“ ლაკაზეტის შემცვლელის ძებნაც დაწყებული აქვს და რამდენიმე ვარიანტზე ფიქრობს. ერთ-ერთი, ვინც მათ სიაში მოხვდა, გიორგი მიქაუტაძეა. „ლიონს“ ქართველი შემტევის გაფორმება ძალიან უნდა და მისი საფეხბურთო პროფილი მოსწონს, მაგრამ მაღალმა კონკურენციამ შესაძლოა, მათთვის ყველაფერი გაართულოს.
ცნობისთვის, მიქაუტაძე „მონაკოს“, „რენისა“ და „გალათასარაის“ რადარებზეც იმყოფება. ყველაზე ხშირად „მონაკოზე“ იწერება და „მეცი“ მზადაა, მიქაუტაძეს 20 მილიონ ევროდ შეელიოს.
