მესის მორიგი გოლი და ახალი რეკორდი ინტერ მაიამიში

MLS-ის მორიგ ტურში ინტერ მაიამიმ სენტ ლუისს უმასპინძლა. შეხვედრა ფრედ 3:3 დასრულდა და გუნდებმა ქულები გაიყვეს.

აღსანიშნავია, რომ მასპინძელთა მხრიდან გოლები ბარსას ყოფილმა ფეხბურთელებმა გაიტანეს.

25-ე წუთზე თავი მესიმ გამოიჩინა, 45-ეზე სუარესმა, ხოლო იმ დროს, როდესაც ანგარიში სტუმართა სასარგებლოდ 2:3 იყო, 85-ე წუთზე ჟორდი ალბამ გაისროლა და მატჩის საბოლოო შედეგი დააფიქსირა. 

აღნიშნულ დაპირისპირებაში არგენტინელმა ლეგენდამ ახალი რეკორდი დაამყარა. მესი ინტერ მაიამის ისტორიაში გახდა პირველი ფეხბურთელი, რომელმაც ყველაზე სწრაფად გაიტანა 25 გოლი. მას ამისთვის მხოლოდ 29 მატჩი დასჭირდა.

შეგახსენებთ, რომ ინტერ მაიამი აღმოსავლეთ კონფერენციას 35 ქულით ლიდერობს, თუმცა მეორე ადგილზე მყოფ ცინცინატის 33 ქულა და 2 მატჩით ნაკლები აქვს ჩატარებული. შემდეგ ტურში, დევიდ ბექჰემის გუნდი ფილადელფიას ესტუმრება.