„ვეცდებით, გერმანია თავაწეულებმა დავტოვოთ“ - ფეხბურთელები ევრო 2024-სთვის მზადებას იწყებენ
საქართველოს ნაკრების ფეხბურთელთა ერთი ნაწილი ცოტა ხნის წინ ავსტრიის ქალაქ გეინბერგში გაემგზავრა, სადაც ევროპის ჩემპიონატის დაწყებამდე მოსამზადებელ შეკრებას გაივლიან.
გამგზავრებამდე, თბილისის საერთაშორისო აეროპორტში ფეხბურთელები ჟურნალისტებს გაესაუბრნენ და მოლოდინები გაუზიარეს.
საქართველოს ნაკრებს ფეხბურთელთა დანარჩენი ნაწილი ავსტრიაში შეუერთდება, რის შემდეგაც, ვილი სანიოლის გუნდი ევროპის ჩემპიონატისთვის მზადებას სრული შემადგენლობით დაიწყებს.
შეგახსენებთ, რომ ევრო 2024-ზე ჩვენი გუნდი F ჯგუფში იქნება, მეტოქეები კი თურქეთის (18 ივნისი), ჩეხეთის (22 ივნისი) და პორტუგალიის (26 ივნისი) ნაკრებები იქნებიან.
