სეზონის გუნდში მოხვდა | როგორია კვარაცხელიას სპეციალური ქარდი

იტალიის სერია A-მ სეზონის გუნდი დაასახელა და EA FC 24-ის Ultimate Team-ის მოთამაშეებს საუკეთესოთა შორის შესული ფეხბურთელების ქარდების დასაკუთრების საშუალება აქვთ. სერია A-ს რჩეულთა შორის „ნაპოლის“ ქართველი გარემარბი, ხვიჩა კვარაცხელია მოხვდა, ვისი რეიტინგიც 93 გახლავთ.

სეზონის საუკეთესო გუნდის ქარდის მიხედვით, „კვარას“ სისწრაფეში 99 დაუწერეს. დარტყმაში - 90, პასში - 88, დრიბლინგში - 96, დაცვაში - 47, ხოლო ფიზიკურ კომპონენტებში - 80. საინტერესოა, რომ საუკეთესო რეიტინგი ლაუტარო მარტინესსა და ტეო ერნანდესს აქვთ - 97-97, მეორე პოზიციას კი ოლივიე ჟირუ, პაულო დიბალა და ალესანდრო ბასტონი იყოფენ.

Dominanti in questa stagione di #SerieATIM ????! ????
Ecco a voi il Team of Season di #FC24, disponibile ora su Ultimate Team. @EASPORTSFC @easportsfcit pic.twitter.com/Mf5LjXBzb2

— Lega Serie A (@SerieA) May 24, 2024

შეგახსენებთ, რომ იტალიის ჩემპიონატის დასრულებამდე ერთი ტურია დარჩენილი. დასკვნით შეხვედრას „ნაპოლი“ საკუთარ კედლებში, „ლეჩეს“ წინააღმდეგ გამართავს. მატჩი 26 მაისს არის ჩანიშნული და თბილისის დროით, 20:00-ზე დაიწყება.