სჯერათ, რომ დიდი პოტენციალი აქვს | ბაიერნს კომპანი ჩაიბარებს
მიუნხენის „ბაიერნი“ ახალ მთავარ მწვრთნელს ეძებს და ბოლო ინფორმაციით, პრაქტიკულად გადაწყვეტილია, რომ „რეკორდმაისტერს“ ვენსან კომპანი ჩაიბარებს. ბელგიელმა სპეციალისტმა გერმანულ გრანდს თანხმობა შეუთვალა და ახლა მოლაპარაკებები „ბარნლისთან“ მიმდინარეობს.
ფაბრიციო რომანოს ინფორმაციით, „ბაიერნს“ ერთი დეტალიღა დარჩა გადასაწყვეტი, რომელიც „კლარეტებისთვის“ გადასახდელი საკომპენსაციო თანხის ოდენობას უკავშირდება. როგორც კი მხარეები საერთო ენას გამონახავენ, კომპანი „რეკორდმაისტერის“ თავკაცის პოსტს დაიკავებს.
???????????? Bayern board feels that Vincent Kompany has huge potential to become a top coach, trusting his vision and ideas.
— Fabrizio Romano (@FabrizioRomano) May 23, 2024
Positive impact during initial calls made on Monday and Bayern want to get it sealed shortly.
⏳ Compensation fee to be sorted then all done. pic.twitter.com/Dtx5t2JvMR
რომანოს ცნობით, აღნიშნული საკითხი უახლოეს პერიოდში მოგვარდება და ტომას ტუხელს 38 წლის ბელგიელი ჩაანაცვლებს. „რეკორდმაისტერის“ მმართველი საბჭოს წევრები თვლიან, რომ კომპანის დიდი პოტენციალი აქვს და შეუძლია, ტოპ დონის თავკაცი გახდეს. მიუნხენელთა ხელმძღვანელები მის იდეებსა და ხედვებს სრულად იზიარებენ.
ორშაბათს, მხარეებს შორის პირველი კონტაქტი შედგა და ყველაფერი პოზიტიურად წარიმართა. „ბაიერნი“ კომპანისთვის მესამე კლუბი იქნება. „ბარნლის“ ჩაბარებამდე იგი „ანდერლეხტში“ მუშაობდა და კლუბი თასის ფინალში გაიყვანა, „კლარეტები“ კი პრემიერ ლიგაში დააწინაურა. „ბარნლისთან“ კონტრაქტი მას 2028 წლის ზაფხულამდე აკავშირებს.
