ორი მარცხი | ტერაშვილი და ლოლაძე მედლებისთვის ბრძოლას გამოეთიშნენ
არაბთა გაერთიანებული საემიროების დედაქალაქ აბუ-დაბიში, ძიუდოს მსოფლიო ჩემპიონატი მიმდინარეობს. ტურნირის მეორე დღეს, ტატამიზე 4 ქართველ ჯუდოკას ვიხილავთ და ჩვენი ნაკრების ღირსებას ვაჟა მარგველაშვილი, ლაშა შავდათუაშვილი, გიორგი ტერაშვილი და ნინო ლოლაძე დაიცავენ.
სამწუხაროდ, ლოლაძე და ტერაშვილი მედლებისთვის ბრძოლას გამოეთიშნენ. ტერაშვილი პირველ წრეში ჟოან-ბენჟამინ გაბას დაუპირისპირდა და შიდოებით დამარცხდა. ლოლაძემ პირველ წრეში ბრისა გომესს სძლია, მაგრამ მეორე რაუნდში იველინა ილიევასთან წააგო.
შავდათუაშვილი და მარგველაშვილი ტურნირში მეორე რაუნდებიდან ჩაერთვებიან. შავდათუაშვილი პირველ შეხვედრას მონღოლეთის წარმომადგენელ ანხზაია ლავჯარგალის წინააღმდეგ გამართავს, მარგველაშვილის მეტოქის ვინაობა კი უახლოეს წუთებში გაირკვევა.
ცნობისთვის, ხვალ ტატაიმზე 3 ქართველ ჯუდოკას ვიხილავთ. ეთერ ასკილაშვილი კიიომი ვატანაბეს შეხვდება, დიმიტრი გოჩილაიძე მიჰაილ ლატისევს, ტატო გრიგალაშვილი კი ტურნირში მეორე რაუნდიდან ჩაერთვება.
