მოურინიოს ორი შეთავაზება აქვს | ორივე ერთი ქვეყნიდან

რომადან გათავისუფლების შემდეგ, ჟოზე მოურინიო სამსახურის გარეშეა. ბოლო პერიოდში, აქტიურად იწერებოდა, რომ პორტუგალიელი სპეციალისტის დანიშვნით ფენერბახჩე ინტერესდებოდა, მაგრამ „განსაკუთრებული“ გადაწყვეტილების მიღებისგან ჯერჯერობით თავს იკავებს.

Goal.Com-ის ინფორმაციით, მოურინიოსთან თანამშრომლობით კიდევ ერთი თურქული კლუბი ბეშიქთაში ინტერესდება.

ამ საკითხთან დაკავშირებით, გამოცემა ბეშიქთაშის ვიცე-პრეზიდენტის ჰუსეინ უჩელის ინტერვიუს გვთავაზობს.

ჰუსეინი:

„ჟოზე მოურინიოს ერთი თვის წინ დავუკავშირდით და ის ჩვენს შეთავაზებას მიესალმა. ფინანსური დეტალები შევათანხმეთ და მომავალ კვირაში იტალიაში გავემგზავრებით, რათა პირისპირ ვისაუბროთ. თუ ჩვენი შეთანხმება შედგება, მას სამწვრთნელო შტაბში რიკარდო ქუარეჟმას ჩართვას ვურჩევ.“

ცნობისთვის, თურქეთის სუპერ ლიგის დასრულებამდე 1 ტური დარჩა. ბეშიქთაში 56 ქულით მეხუთე პოზიციაზე იმყოფება, რაც ევრო ტურნირის საგზურს არ იძლევა.

მეოთხე ადგილზე ბაშაქშეჰირია, რომელიც კონფერენს ლიგის ზონაში იმყოფება. ბოლო ტურში ბაშაქშეჰირი ადანა დემირსპორს ესტუმრება, ხოლო ბეშიქთაში საკუთარ კედლებში ქასიმფაშას მიიღებს. ფენერბახჩე კი მომავალ სეზონში ჩემპიონთა ლიგის საკვალიფიკაციო ეტაპზე იასპარეზებს.