დაუმარცხებელი ჩემპიონი - ლევერკუზენმა ახალი ისტორია დაწერა
2023/2024 წლის ბუნდესლიგის სეზონი დასრულდა. ჩემპიონი უკვე დიდი ხანია გარკვეულია და ეს ლევერკუზენის ბაიერია.
გასარკვევი მხოლოდ ის იყო წაუგებლად დაასრულებდა, თუ არა ჩაბი ალონსოს გუნდი ბუნდესლიგას.
ბოლო ტურში ბაიერი საკუთარ კედლებში აუგსბურგს დაუპირისპირდა და 2:1 დაამარცხა. ეს კი იმას ნიშნავს, რომ ლევერკუზენმა ახალი ისტორია დაწერა და ბუნდესლიგა ისე მოიგო, რომ ერთი მატჩიც კი არ წააგო. აქამდე ასეთი რამ სხვა არცერთ გუნდს არ გაუკეთებია.
34 მატჩიდან ჩაბი ალონსოს შეგირდებმა 28 მოიგეს და 6 ფრედ დაასრულეს. გაიტანეს 89 გოლი და საკუთარ კარში მხოლოდ 24 მიიღეს. ლევერკუზენზე მეტი გოლი მხოლოდ ბაიერნმა გაიტანა, რომელიც მესამე ადგილზე გავიდა.
ცნობისთვის, ლევერკუზენის ბაიერმა 90 ქულა დააგროვა და მეორე ადგილზე გასულ შტუტგარტს 17 ქულით გაუსწრო.
???????????????????????????????????????????????? ???????????????????????????? ????????????! #B04FCA 2:1 #DeutscherMeisterSVB #Bayer04 #Winnerkusen #Werkself #Bundesliga pic.twitter.com/Mp2qY6IwPa
— Bayer 04 Leverkusen (@bayer04fussball) May 18, 2024
