ფოდენი, კვარა და ლაუტარო პირველ ადგილს იყოფენ | Whoscored-ის სტატისტიკა
სტატისტიკურმა სააგენტომ, Whoscored-მა საინტერესო პოსტი გამოაქვეყნა, რომელშიც ხვიჩა კვარაცხელიაც ფიგურირებს. Whoscored-მა დაასახელა ფეხბურთელები, რომლებმაც მისი ვერსიით, მატჩის საუკეთესო მოთამაშის ჯილდო მიმდინარე სეზონში ყველაზე მეტჯერ დაისაკუთრეს.
Whoscored-მა ევროპის ტოპ 5 ჩემპიონატში დაფიქსირებული შედეგებით იხელმძღვანელა და გვაუწყა, რომ „კვარა“ მატჩის საუკეთესო ფეხბურთელად ცხრაჯერ დაასახელა. მასზე უკეთესი შედეგი არავის აქვს და ქართველი გარემარბი პირველ ადგილს ფილ ფოდენთან და ლაუტარო მარტინესთან ერთად იყოფს.
Most WS Player of the Match awards in Europe's top five leagues this season:
— WhoScored.com (@WhoScored) May 16, 2024
◎ 9 - Phil Foden
◎ 9 - Lautaro Martínez
◎ 9 - Khvicha Kvaratskhelia
◎ 8 - Harry Kane
◎ 8 - Kylian Mbappé
◎ 8 - Rafael Leão pic.twitter.com/12ps2UwUDG
„მანჩესტერ სიტის“, „ინტერისა“ და „ნაპოლის“ შემტევებს ჰარი კეინი, კილიან მბაპე და რაფაელ ლეაუ მოჰყვებიან. Whoscored-მა ისინი მატჩის საუკეთესო ფეხბურთელებად მიმდინარე სეზონში 8-8-ჯერ დაასახელა.
შეგახსენებთ, რომ კვარაცხელიას სერია A-ს მიმდინარე სეზონში 32 შეხვედრა აქვს ჩატარებული და მის ანგარიშზე 10 გოლი და 6 შედეგიანი გადაცემაა (2-ჯერ კი პენალტი მოიპოვა). ჩემპიონთა ლიგაზე მან 8 მატჩში ერთი ასისტი გაიფორმა.
