ტუხელი შეიძლება დარჩეს - ბაიერნი ბრუნოს ყიდვას გეგმავს

ბრუნო ფერნანდეში შესაძლოა მიუნხენის „ბაიერნში“ გადავიდეს.

„რეკორდმაისტერი“ „მანჩესტერ იუნაიტედის“ გამთამაშებლით არის დაინტერესებული. ინფორმაციას ბრიტანული The Independent-ი ავრცელებს.

წყაროს ცნობით, „იუნაიტედს“ ფინანსურ ფეარ პლეისთან პრობლემა აქვს და კლუბში მზად არიან პორტუგალიელი ტრანსფერზე დააყენონ. თუ სათანადო შემოთავაზებას მიიღებენ, ბრუნო გაიყიდება.

ტომას ტუხელი ნახევარდაცვის ცენტრში სწორედ ბრუნოს სტილის შუახაზელის დამატებას ითხოვდა. დღეს გახდა ცნობილია, რომ „ბაიერნმა“ შესაძლოა მას კონტრაქტი კიდევ 1 წლით გაუგრძელოს, რადგან ჰანსი ფლიკის ვარიანტი უკვე გამოირიცხა და რობერტო დე ძერბისთან მოლაპარაკებები არც ისე კარგად მიდის.

მიმდინარე სეზონში ბრუნომ პრემიერ ლიგაში 33 მატჩი ჩაატარა, 10 გოლი გაიტანა და 7 საგოლე გადაცემა გააკეთა. ტრანსფერმარკტი პორტუგალიელ შუახაზელს 70 მილიონ ევროდ აფასებს.