დანაკლისი სერიოზულია - ძიუდოისტთა ნაკრების განაცხადი მსოფლიო ჩემპიონატზე
საქართველოს ძიუდოისტთა ნაკრების მთავარმა მწვრთნელმა, ლაშა გუჯეჯიანმა მსოფლიო ჩემპიონატისთვის შემადგენლობა დაასახელა. სამწვრთნელო შტაბის გადაწყვეტილებით, ტურნირზე ჩვენი გუნდი 12 ძიუდოისტით იასპარეზებს. მათ შორის 9 ვაჟი, 3 კი გოგონა ძიუდოისტი იქნება.
საქართველოს ნაკრების შემადგენლობა:
ვაჟები:
- -60 კგ - გიორგი სარდალაშვილი
- -66 კგ - ვაჟა მარგველაშვილი
- -73 კგ - ლაშა შავდათუაშვილი, გიორგი ტერაშვილი
- -81 კგ - ტატო გრიგალაშვილი, დიმიტრი გოჩილაიძე
- -90 კგ - გიორგი ჯაბნიაშვილი
- +100 კგ - გურამ თუშიშვილი, საბა ინანეიშვილი
გოგონები:
- -57 კგ - ნინო ლოლაძე
- -63 კგ - ეთერ ასკილაშვილი
- +78 კგ - სოფიო სომხიშვილი
სამწუხაროდ, საქართველოს ნაკრები ტურნირს მნიშვნელოვანი დანაკლისით ხვდება. მსოფლიო ჩემპიონატზე არ იასპარეზებს მოქმედი ოლიმპიური ჩემპიონი, ლაშა ბექაური. ასევე, ჩვენს ქვეყანას -100 კგ. წონით კატეგორიაშიც არ ეყოლება წარმომადგენელი. წონის ლიდერი, ილია სულამანიძე ტურნირს გამოტოვებს. ასევე, გოგონებს შორის არ იქნება -57 კგ. წონით კატეგორიაში ეთერ ლიპარტელიანი.
შეგახსენებთ, რომ მსოფლიო ჩემპიონატი ინდივიდუალურ ჩათვლაში 19-23 მაისს გაიმართება, 24 მაისს კი შეჯიბრი გუნდურ ჩათვლაში ჩატარდება. 2024 წლის მსოფლიო პირველობას აბუ-დაბი უმასპინძლებს.
