BILD: ნაგელსმანი ევრო 2024-ზე ჰუმელსს არ გამოიძახებს
როგორც მოგეხსენებათ, სულ მალე ევროპის ჩემპიონატი დაიწყება. ნაკრებებს ჯერ განაცხადები არ გამოუქვეყნებიათ, თუმცა გერმანულმა ავტორიტეტულმა გამოცემა BILD-მა საინტერესო ინფორმაცია გაავრცელა.
ვიგებთ, რომ გერმანიის ეროვნულ ნაკრებში ევრო 2024-ზე მატს ჰუმელსი არ იქნება. ეს პირადად იულიან ნაგელსმანის გადაწყვეტილებაა. წყაროს ცნობით, დორტმუნდის უკანახაზელის წაყვანას ახალგაზრდა სპეციალისტმა ანტონიო რუდიგერის იონათან ტაჰის წაყვანა არჩია.
ბევრისთვის ალბათ მოულოდნელი გადაწყვეტილებაა, რადგან მიმდინარე სეზონში მატსი ბრწყინვალე ფორმაშია და საკუთარი გუნდის მთავარი იმედია.
მეტიც, 35 წლის გერმანელი ჩემპიონთა ლიგის ნახევარფინალში „პარი სენ ჟერმენის“ წინააღმდეგ მატჩის საუკეთესო ფეხბურთელად დასახელდა.
მიმდინარე სეზონში კი ყველა ტურნირზე ერთად 38 მატჩში მიიღო მონაწილეობა. ცნობისთვის, გერმანიის ნაკრები ევრო 2024-ის ჯგუფში შოტლანდიასთან, უნგრეთთან და შვეიცარიასთან ერთად მოხვდა. პირველ მატჩს ნაგელსმანის შეგირდები 14 ივნისს შოტლანდიის წინააღმდეგ გამართავენ.
