მარსელ დესაი: “მბაპეს ადგილზე მე საუდის არაბეთში წავიდოდი“
როგორც მოგეხსენებათ, პსჟ ჩემპიონთა ლიგას გამოეთიშა და კილიან მბაპემ კიდევ ერთხელ დაკარგა ლიგის მოგების შანსი. გავრცელებული ინფორმაციით, ის სულ მალე რეალის ფეხბურთელი გახდება.
ამ საკითხთან დაკავშირებით, ყოფილმა ფრანგმა ფეხბურთელმა მარსელ დესაიმ ისაუბრა და საინტერესო განცხადება გააკეთა.
დესაი:
„მბაპე რეალში? მე მას სულ სხვა კონტინენტს ვურჩევდი. მისთვის რეალი საუკეთესო ადგილი არ არის, რადგან მათ მარცხენა ფლანგზე ვინისიუს ჟუნიორი ჰყავთ. მადრიდულ გრანდში უამრავი ტალანტი თამაშობს, მათ შორის ჯუდ ბელინგემი. კილიანი იქ ლიდერი ვერ იქნება და მას სწორედ ლიდერობა სურს.
მის ადგილზე მე საუდის არაბეთში გადავიდოდი და წელიწადში 350 მილიონ ევროს მივიღებდი. შემდეგ სეზონში მსოფლიო ჩემპიონატი იქნება და მაგ პერიოდისთვის ევროპაში დავბრუნდებოდი.“
Le conseil fou de Marcel Desailly à Kylian Mbappé ! ????
— Instant Foot ⚽️ (@lnstantFoot) May 8, 2024
« Je ne suis pas sûr que Madrid soit l'endroit idéal pour lui. Il devrait aller en Arabie Saoudite et prendre 350M€ une saison là-bas puis revenir la saison prochaine, année de la Coupe du Monde. » pic.twitter.com/Kz4rQlW8K8
შეგახსენებთ, რომ პარი სენ ჟერმენი ჩემპიონთა ლიგის ნახევარფინალში დორტმუნდის ბორუსიასთან დამარცხდა.
რაც შეეხება მბაპეს და რეალის ურთიერთობას, ცნობილია, რომ მხარეებს შორის შეთანხმება მიღწეულია და მომავალი სეზონიდან კილიანი სამეფო კლუბის მაისურს მოირგებს. ახლა გასარკვევი მხოლოდ ის დარჩა, თუ როდის ექნება ფრანგ სუპერვარსკვლავს პრეზენტაცია.
