ცუდი ამბავი | გიორგი შერმადინისთვის სეზონი დასრულდა
„ლენოვო ტენერიფეს“ ცენტრი, გიორგი შერმადინი მიმდინარე სეზონში გუნდს ვეღარ დაეხმარება. „ბრიოგანთან“ შეხვედრაში, ქართველმა კალათბურთელმა დაზიანება მიიღო, რის გამოც პარკეტის დატოვება მოუწია და მისი კლინიკაში გადაყვანა გახდა აუცილებელი.
„ლენოვო ტენერიფეს“ ინფორმაციით, „შერმინატორს“ ნეკნის ძვლის მოტეხილობა დაუდგინდა. ამ მომენტისთვის, უცნობია, ქართველი კალათბურთელი პარკეტს ზუსტად როდის დაუბრუნდება, მაგრამ კლუბს პლეიოფში ფონს გასვლა მის გარეშე მოუწევს. იმედი ვიქონიოთ, რომ გიორგი მომჯობინდება და საქართველოს ნაკრებს ოლიმპიადის საკვალიფიკაციო ეტაპზე დაეხმარება.
???? Lenovo Tenerife @CB1939Canarias comunica que Gio Shermadini sufre una fractura, en la novena costilla izquierda, con neumotórax. El jugador se perderá lo que resta de temporada.
— Liga Endesa (@ACBCOM) May 7, 2024
¡Mucho ánimo y mucha fuerza, @gioshermadini!
¡Pronta recuperación! ????#LigaEndesa pic.twitter.com/inUubCoks5
ცნობისთვის, ლიგა ენდესას მიმდინარე სეზონში შერმადინმა მონაწილეობა 32 შეხვედრაში მიიღო. გიორგი საშუალოდ 12 ქულას, 5.2 მოხსნას, 1.4 შედეგიან გადაცემას აგროვებდა და მისი სარგებლიანობის კოეფიციენტის საშუალო მაჩვენებელი 17.7 გახლდათ.
