ყაზახეთის გრანდ სლემი - როგორია საქართველოს ნაკრების შემადგენლობა

10-12 მაისს, ყაზახეთის დედაქალაქ ასტანაში ძიუდოისტთა გრანდ სლემი გაიმართება, რომელშიც მონაწილეობას საქართველოს ნაკრებიც მიიღებს.

ჩვენი გუნდის მწვრთნელებმა ტურნირისთვის 9-კაციანი შემადგენლობაა დაასახელეს, თუმცა, მოახლოებული მსოფლიო ჩემპიონატის გამო, ლიდერებს დასვენების შესაძლებლობა მისცეს. ტურნირზე 7 ვაჟი და 2 გოგონა ძიუდოისტი იასპარეზებს.

საქართველოს ნაკრების შემადგენლობა:

ვაჟები:

• -73 კგ. - ბაგრატ ნინიაშვილი, გიორგი ჩიხელიძე.
• -81 კგ. - ირაკლი ბეროშვილი.
• -90 კგ. - ბაქარ ერაშვილი, ნიკა ხარაზიშვილი.
• -100 კგ. - ონისე სანებლიძე.
• +100 კგ. - ირაკლი დემეტრაშვილი.

გოგონები:

• -63 კგ. - ეთერ ასკილაშვილი.
• +78 კგ. - სოფიო სომხიშვილი.

შეგახსენებთ, რომ 19 მაისიდან 24 მაისის ჩათვლით აბუ-დაბიში მსოფლიო ჩემპიონატი გაიმართება და წონის ლიდერებიც სწორედ ამ ტურნირზე მიიღებენ მონაწილეობას.