“უფრო მეტი გოლის გატანა შეგვეძლო“ - ტერზიჩი პსჟ-სთან მატჩის შემდეგ

ჩემპიონთა ლიგის ნახევარფინალში „დორტმუნდმა“ „პარი სენ ჟერმენს“ უმასპინძლა და უმძიმეს ბრძოლაში 1:0 დაამარცხა.

მატჩის დასრულების შემდეგ, გერმანული გუნდის მთავარმა მწვრთნელმა ედინ ტერზიჩმა კომენტარი გააკეთა.

ტერზიჩი:

„ვფიქრობ ეს კარგი და დამსახურებული გამარჯვება იყო. ჩემმა გუნდმა კარგად ითამაშა. ვფიქრობ, „დორტმუნდს“ უფრო მეტი გოლის გატანა შეეძლო, მაგრამ იგივეს გაკეთება „პარი სენ ჟერმენსაც“ შეეძლო. სწორედ ამიტომ ვარ შედეგით კმაყოფილი ვარ.

ბევრი ვირბინეთ და ასეთი ტიპის მატჩებში ეს აუცილებელია. უემბლიზე გასვლა უნდა დაიმსახურო. ახლა ერთადერთი, რაც გვჭირდება მეორე მატჩში ფრეა, მაგრამ, რა თქმა უნდა, გამარჯვებაც კარგი იქნება. მცირე უპირატესობა და კარგი შესაძლებლობა გვაქვს.“

შეგახსენებთ, რომ მასპინძელთა მხრიდან ერთადერთი გოლი ფულკრუგმა მატჩის 36-ე წუთზე გაიტანა. ამ გუნდების მომავალი დაპირისპირება 7 მაისით თარიღდება და თბილისის დროით 23:00-დან დაიწყება.