კრიშტიანუს დუბლი - ალ ნასრი მეფის თასის ფინალშია

საუდის არაბეთის მეფის თასზე „ალ ნასრი“ საკუთარ კედლებში „ალ ხალიჯს“ დაუპირისპირდა და 3:1 დაამარცხა. აღნიშნულ დაპირისპირებაში კვლავ კრიშტიანუ რონალდუმ გაიბრწყინა.

პორტუგალიელმა სუპერვარსკვლავმა დუბლი შეასრულა. ვეტერანმა თავდამსხმელმა ანგარიში მე-17 წუთზე გახსნა, რასაც სადიო მანემ პენალტის ნიშნულიდან 37-ე წუთზე უპასუხა, პირველი ტაიმი 2:0 დასრულდა.

მეორე ნახევარში სიტუაცია არ შეცვლილა. აქტიურად კვლავ მასპინძლები თამაშობდნენ. 57-ე წუთზე კრიშტიანუმ დუბლი შეასრულა და მატჩის საბოლოო შედეგი 3:1 დააფიქსირა.

ცნობისთვის, პორტუგალიელი შემტევი საუცხოო ფორმაშია. მიმდინარე სეზონში, ყველა ტურნირზე ერთად 39 ჩატარებულ შეხვედრაში 38 გოლი დაუგროვდა.

ამ გამარჯვების შემდეგ, „ალ ნასრი“ მეფის თასის ფინალში გავიდა, სადაც უშუალო კონკურენტს „ალ ჰილალს“ დაუპირისპირდება.